Sólarupprás

Hélt bara að kveiknað væri í bænum þegar ég vaknaði eldsnemma  í morgun og leit út um eldhúsgluggann. þvílíkur roði á himni þegar sólin var að koma upp, ( varð að festa þetta á filmu) það var eins og íbúðin stæði í ljósum logum þegar ég leit í gluggana bakdyramegin þegar roðin speglaðist í gluggunum.

Flýsapúsll

Já það var nú hausverkur hjá mér um verslunarmannahelgina að púsla saman og flísaleggja stéttina hjá mér þegar stytti upp, og notaði ég tækifærið til að koma þessum flísum niður. Ekki veit ég hvort munstrið hjá mér sé neitt listaverk en er samt nokkuð ánægur með útkomuna , en ég var nú ekki alveg einn í ráðum með þetta, Bústýran og tengdasonur okkar voru nú líka inní myndinni á þessari hönnun, margar hugmyndir komu upp en miðað við nýtingu á flísunum ( 7. fermetrar Ljósar og 8.Fermetrar dökkar. það var lagerinn sem til var) kom þessi tilaga upp, og málið dautt . 

Fjallabyggðinn Mín

Fékk mér göngutúr upp á golfvöll í dag í goðaveðrinu. það er ekki hægt að segja annað en fjörðurinn okkar hafi skartað sínu fegursta eftir úrhellisrigninguna í gær sem var afar kærkomin öllu gróðri í firðinum okkar þó fyrr hefði verið, varla komið dropi úr lofti í allt sumar. þegar ég leit yfir bæinn okkar og fjöllin í kring, kom upp í huga mínum  gömul setning. ("Fögur er Hlíðin "Fer ekki rassgat) og það hef ég staðið við fram að þessu eða í 57 ár og er ekkert á förum, og er afar stoltur að hafa ekki haft löngun til að bregða búi og flytja úr firðinum, enda hef ég alltaf haldið því fram að það séu forréttindi að búa í svona fallegu bæ, laus við allt dressið hamagangin sem fylgir því að búa í Borg. 

Héðinsfjarðargöng

                                                                                          Skakklabbaðist í dag inn í göngin til að forvitnast hvernig þetta gengi hjá okkar mönnum, það var bara gott hljóð í þeim og eru þeir á fljúgandi ferð þessa stundina. Ég gat nú ekki stoppað lengið því þeir voru að gera klárt fyrir sprengingu þegar mig bar að garði. þeru eru komnir sirka 1700 metra.

Júlínótt í Fjallabyggð Eystri

Það vantaði ekki fegurðina þessa síðustu júlínótt sumarsins ég varð að fara út á nærklæðunum einum og smella mynd á þessari fegurð þegar ég leit út um eldhúsgluggann minn kl að ganga fimm í morgun. Enn einhverstaðar heyrð ég sagt þegar blikur væri á lofti boðaði það veðrabrettingu í aðsigi til hins verra, vonandi hef ég heyrt einhvera vitleysu.

Óvænt heimsókn

Þegar ég kom heim úr vinnunni í dag birtust Einar og Gréta óvænt á pallinum hjá okkur hjónunum ég átti ekki von að fá æskuvinin og skólabróður svona óvænt. það var gaman að fá þessi hressu hjón í heimsókn úr Stórborginni og slegið var á létta strengi mikið hlegið enda hefur þessi æskuvinur frábæra frásagnahæfileka og gaman að heyra hann segja frá. þetta var bara alltof stutt stund svo við hjónin söguðu að við verðum bara að skella okkur suður í heimsókn til þeirra við fyrsta tækifæri og klára það sem frá var horfið og skella okkur svo í Bláalónið á eftir.   

Kleifarganga í sól og sumaryl

Fór á kleifagöngu í morgun í sól og 14 stiga hita (Hvíla Fákin og jafna mig í rassinum) Ég hrökk í kút þegar ég kom að virkjunina og sá að hún var öll brotin. Hélt í fyrstu að þeir í Héðinsfjarðargöngunum Ólafsfjarðarmegin hefðu kannski verið of glaðir að hlaða og sprengja eftir allan vatnsgangin sem þeir eru búnir að vera baxa í en nú loksins komnir á fullt skrið aftur og virkjunin því brotnað niður við hamaganginn í þeim. Enn sem betur fer fékk ég frétti frá kleifarmönnum að nú á að fara að endurbæta stífluna og það þurfti að brjóta niður það gamla áður en endurbygging hefst  Það er ekki að spyrja að framkvæmdagleðinni hjá afkomendum kleifamanna þeir eru sko alveg spes.

Hjólað sveitahrýngin

Ég hjólað í dag Sveitahryngin sem er 16 km. Þetta gekk vonum framar hjá mér var svolítið sár í botninum eftir ferðina enda ekki vanur að hjóla svona langt í einu. Enn þetta venst ef maður heldur þessa reglu einu sinni í viku að hjóla svona ferð og komast í snertingu við náttúruna og viðra fyrir sé þessa fallegu fjallasýn sem Ólafsfjarðarsveit hefur upp á að bjóða. Það var gott að komast í heita pottinn og slappa af eftir þessa skemmtilegu hjólaferð hjá mér. 

Sæbjörg í Ólafsfjarðarhöfn

Slysavarnaskólaskipið Sæbjörg hefur legið hér við bryggju vegna sumarleifa starfsmanna og áhafnar þeim finnst gott að skilja skipið eftir í umsjá Ólafsfirðinga, enda hefur svo verið undafarin sumur.

Sigurbjörg Óf-1 komin í land

Sigurbjörg Óf-1 kom i morgun inn til löndunar.

Aflaverðmæti 60 miljónir.

Reiknað er með að hún fari í Rússnesku landhelgina í næsta túr.