Óvenjuleg páskahelgi í fjallabyggð Eystri

Það viðraði vel um Páskahelgina í firðinum fagra enn það vantaði snjóinn okkar, það hefur nú ekki skeð síðan ég kom hingað að ekki væri hægt að fara á sleða við bæjarmörkin eða á skíði, það er mikil breyting hér að okkur finnst, en sumir eru bara ánægðir með þetta tíðarfar og vona að nú sé sumarið að skella á með sínum góðviðrisdögum og logninu sem einkenni þennan fallega fjörð okkar. Enn þegar flatlendingarnir okkar koma í heimsókn og engin snjór þá er bara að taka fram önnur faratæki og njóta náttúrunnar á örðuvísi hátt, þökk sé dóttir minni og Tengdasyni að eiga þessa gæðinga til að lífga upp á tilverunna hjá páskagestunum okkar þetta árið og fara með þá í reiðtúra um fjörðin fagra.

Fjölgar í Fjallabyggð

Já nú er vorið komið og Sumardagur fyrsti á næsta leiti farfuglarnir farnir að tínast á svæðið ég hef nú aldrei séð svona marga svani koma hingað eitthvað eru nú þetta fuglar frá fyrra ári ekki alveg búnir að ná sínum rétta lit en þegar þeir voru flestir taldist mér þeir vera 32 þeir voru hér á hverri Tjörn að hvíla lúin bein eftir langt flug undafarna daga.