Loksins kom snjórinn

"Öll él birtir um síðir" segir einhverstaðar, Já loksins kom veturinn hér í Ólafsfirði en það hefði nú mátt snjóa meira í fjöllin en á láglendinu þessa daganna, en það er nú erfitt að geta stýrt því það vantar tæknina og kannski fá einhver sprotafyrirtæki hér vinnu við að finna leið hvert snjórinn á fara og þá er það vandamál leist. (Ég segi nú bara svona ) Við frændurnir Guðni Aðalsteins, fengum okkur nú göngu um bæinn okkar og fórum svo út að múlagöngum sirka 5-6 km. (já það er ekki að spyrja af frænda þegar ganga er annarsvegar) það var komið líf í bæinn fólk á skíðagöngu og búið að opna skíðalyftuna í Tindaöxl Troðarinn á fullu að leggja göngubrautir bæði í bænum og fram alla sveit þannig að nú geta bæjarbúar og gestir fengið sér salíbunu á skíðum í Tindaöxl og trimmað á gönguskíðum bara hvert sem er þessa daganna. Ég tók nú nokkrar myndir á leið minni um bæinn og munið nú eftir Öndunum okkar þær eru svanga þessa dagana og lítið svigrúm á Tjörninni.

Göngufélagið Útigansmenn

við þurfum nú ekki að hvarta undan vetrinum sem búin er, hefur nánast verið snjólaust sem komið er og því lítið hægt að stunda skíðaíþróttina sem af er vetri, en þeim mun meira hefur fólk nú farið á skauta því aðstæður eru frábærar um allt vatnið okkar sem er nú ísilagt. Gönguferðir hafa því verið tíðar í firðinum fagra enda ekki annað hægt en að fara út og njóta náttúrunnar á þessum dásamlegum dögum sem hafa verið undafarnar vikur. Ég hef verið að reina að troða mér inn í mjög skemmtilegan gönguklúbb hér þar sem valin maður er í hverju rúmi við göngum 5.daga vikunnar og svo er frjálst um helgar. Ég tók með mér myndavélina í einni ferðinni og smelti þá mynd af gönguhópnum í einni gönguferðinni okkar fram í fjörðin fagra, og þvlík fegurð hvert sem litið var og ekki skemmdi það að Sólin okkar er byrjuð að sjást hér og er rjómin á þessa góðvirðisdaga sem búnir eru að vera hjá okkur. "Hef hlerað að það geta fleyri spreitt sig á að gerast félagar."